Bosaso(SPR) Maamulka Puntland ayaa shalayto gelinkii dambe waxaa uu howgal baaxad leh ka fuliyey aaga Buuralayda Galbeedka gobolka Bari ee ku dhow Magaalada Bosaso ee xaruunta Gobolka Bari. Laamaha amaanka ee Puntland ayaa gacanta waxaa ay ku soo dhigeen saddex nin iyo baabuur nooca xamuulka qaada ah oo ay wateen kaasi oo ku sii jeeday dhanka Buuralayda Galgala.
Wasiir ku xigeenka Amniga ee Puntland Abdijamaal Cismaan ayaa waxaa uu warbaahinta ugu sheegay magaalada Bosaso ee xaruunta Gobolka Bari in ay gacanta ku hayaan baabuurkaasi oo siday raashin kala duwan iyo qalab kale oo ay ka mid yihiin Mobelo iyo Beterayad lagu isticmaalo.
HALKAN KA DHAGEYSO CODKII W/KUXIGEENKA AMNIGA
Ninka gaariga watey ee lagu magacaabo Islaan Axmed Cabdi Gurxan oo ah isin ka mid ah isimada Puntland ayaa sheegey in uu ahaa ruuxii ugu horeeyey oo soo horfadhiisiya kooxda Atam islamarkaana wada hadal u sahley iney dowlada Puntland lagalaan. Islaan Axmed ayaa saxaafada u cadeeyey inuu gaarigaasi u waday kooxdaasi, hadii lasiidaayana inuu la shaqeynayo una shaqeynayo, waayo waa dhalinyaro deegaanka u dhalatey ayuu yiri wax walba oo ay nabadu ku imanaysana waan sameynayaa oo waan kasbanayaa ayuu yiri.
HALKAN KA DHAGEYSO CODKII ISLAAN AXMED CABDI GURXAN
Download
Magaalada Bosaso ee xaruunta Gobolka Bari ayaa lagu soo bandhigay saddexda nin iyo baabuurka ay wateen ee ku sii jeeday Buuralayda Calmadow ee Aaga Galgala kuwaasi oo haatan baadhigaan lagu waddo.
Wasaarada Amniga ee Puntland ayaa sheegtay in ay howgal lixaad leh ka waddo buuralaydaasi iyo weliba guud ahaan deeganada Puntland iyadoo sheegtay in ay la dagaalami doonto kooxda Al-shabaab, waxaana ay ugu baaqeen dadka reer Puntland in ay xaqiiqdka raacaan isla markaasna ay taageeraan ciidanka Amniga ee Puntland.
Comments