Badhaadhe(SPR) Magaalada Badhaade ee Gobolka Jubbada Hoose waxaa dagaalo kharaar ku dhexmareen ciidamada Dowlada KMG ah oo garab ka helaya kuwa Kenya iyo xarakada Al-shabaab oo dhinac ah.

Muddo saacado ah ayaa waxaa qaatay dagaalka u dhexeeyey labbada dhinac ee isku fara saaray Badhaadhe halkaasi oo ay horay gacanta ugu hayeen ciidamada Dowlada KMG ah.

Waxaa warar aan halkaasi ka helayno ay sheegayaan in uu dagaalku ahaa mid kharaar oo ay soo qaadeen kooxda Al-shabaab kaasi oo keenay in ay ciidamada Dowlada iyo kuwa Kenya iska caabin xoogan ay sameeyaan.

Lix ruux ayaa geeryootay inta la ogyahay tiro intaasi ka badan ayaa dhaawac soo gaaray waxaana dadkaasi ay dhamaantood yihiin dhinacyadii dagaalamay, in kastoo uu khasaaruhu intaasi ku sii badan karo.

Meleteriga huwanta ah iyo kuwa Al-shabaab toona weli kama aysan hadlin dagaalkaasi ku dhexmaray degmada Badhaadhe ee Gobolka Jubbada Hoose, waxaana dagaalkaani qayb ka yahay kuwo soo noq noqday oo ka dhacay Gobolkaasi.