Adis Ababa(SPR) Magaalada Adis Ababa ee xaruunta wadanka Ithopia waxaa xalayto kulamo gooni gooni ah mar kale lala qaatay madaxda dhinacyada Soomaalida ee saxiixayaasha Road Map-ka Gaar ahaan Madaxda Puntland iyo kuwa Dowlada KMG ah.

Wakiilo ka socda Midowga Yurub, Midowga Afrika, iyo Qaramada Midoobey ayaa kulan la qaatay Madaxweynaha Puntland Dr, Abdirahman Sheikh Maxamed Maxamuud Faroole kuwaasi oo ay ka wada hadleen arimaha la isku hayo.

Dr, Faroole waxaa uu shaaciyey in ay jiraan waxyaabo badan oo khaldan kuwaasi oo Tastuurka ku jira balse horay looga saaray markii lagu kulmay shirarkii saxiixayaasha Road Map-ka ee Garoowe1. Garoowe 2, iyo Galkacayo.

Waxaa kaloo uu sheegay Madaxweynaha Puntland in ay taagan tahay marxalad dhanka soo xulista Baarlamanka taasi oo ay dhici karto in ay meesha soo galaan qaswadayaasha Soomaalida, sida qabqablayaasha iyo kooxaha islaamiyiinta ah taasi oo u baahan in ay saxiixayaasha Road Map-ka isla socdaan oo ay arintaasi ka baaraan degaan.

Madaxweynaha Puntland Dr, Faroole waxaa uu shaaca ka qaaday arintu ka taagan tahay dhanka Madaxweynaha Dowlada KMG ah iyo Ra,isal wasaare Gaas oo iyagu aan hir gelin qodobo dhowr ah oo lagu heshiiyey markii hore.

Docda kale waxaa ay kulamo la qaateen Ra,isal wasaaraha Soomaaliya Dr, Cabdiweli Gaas iyo Gudoomiyaha Baarlamanka Soomaliya shariif Xasan sheikh Aadan kuwaasi oo ay ka wada hadleen arinta Faroole waxaana  shariif Xasan uu sheegay in aysan jirin arinta uu Faroole wato isagoo ku tilmaamay siyaasad danhsoon.