Nairobi(SPR) Magaalada Nairobi ee xaruunta wadanka Kenya xalayto waxaa ka amba baxay Ra,isal wasaaraha Dowlada KMG ah ee Soomaaliya iyo xubno uu horkacayo kuwaasi oo maalmahan ku sugnaa Nairobi.

Garoonka Joma Kenyata Airport ayaa waxaa ra,isal wasaare Gaas ku sii macasalaamyey xubno ka tirsan ururada bulshada iyo weliba Madaxdada safaarada Soomaalida ee dalka Kenya oo uu horkacayey Amb, Maxamed Cali Emeriko.

Ra,isal wasaaraha Soomaaliya iyo xubnaha uu horkacayo oo ay ku jiraan qaar ka tirsan wasiirada xukuumadiisa iyo weliba ururo bulsho oo ay ku jirto xaaska Ra,isal wasaare Gaas ayaa waxaa ay u amba bexeen Magaalada Istabuul ee Turkiga.

War-baahinta lama siin wax war bixin ah balse wararka aan helayno ayaa sheegaya in Ra,isal wasaare Gaas oo Magaalada Istanbul u tegayo ka qayb galka shirka dhinacyada Soomaalida uga furmaya Magaaladaasi Istanbuul dabayaaqada bishaan.

Turkiga haatan waaa jooga odoyaal dhaqameed iyo ururo bulsho oo ka doodaya Soomaaliya, waxaana shirka Stanbuul looga hadli doono arimo ay ku jirto ammaanka iyo xasillinta dalka, siyaasadda guud ee dalka, hagaajinta iyo dib-u-soo celinta dhaqaalaha dalka, arrimaha bulshada iyo arimo kale.