Afmadow(SPR) Magaalada AFmadow ee Gobolka jubbada hoose iyo deeganada ku dhow dhow waxaa ka socday dagaalo kharaar oo u dhexeyey kooxda Al-shabaab iyo ciidamada huwanta ah ee isugu jira kuwa Kenya iyo kuwa Dowlada KMG ah.

Dagaal kharaar oo ka dhacay deegaanka Xayo ee ku dhow degmada AFmadow ayaa wararku sheegayaan in lagu laayey ciidamo ka tirsan kuwa Al-shabaab, sidaasina waxaa sheegay Dowlada KMG ah welina war ka madax banaan lama hayo.

Afhayeenka Meleteriga Kenya Emmanuel Chirchir  oo warbaahinta la hadlay ayaa waxaa uu shaaca ka qaaday in ay
Meleteriga huwanta ah si rasmi ah ula wareegeen degmada Afmadow  ee Gobolka Jubbada Hoose.

" Waxaan xaqiijinay qabashada Afmadow, waxaa noo cad hadda in aan ku dhownahay magaalada xeebta ku taala ee Kismaanyo, waxaan dhowaan si rasmi ah u weerari doonaa halkaasi" sidaasi waxaa yiri Major Chir Chir.

Docda kale masuul u hadlay ciidamada Soomaalida ee dagaalka ku jira ayaa sheegay in ay degmada Afmadow si nabad ah kula wareegeen iyagoo weliba intaasi ku daray in a jireen dagaalo kooban oo k adhacay tulooyin hoostaga Afmadow.