Stanbul(SPR) Magaalada Stanbuul ee wadanka Turkiga waxaa ka furmaya maanta  shir caalami oo loo qabanayo dhinacyada Soomaalida kaasi oo lagaga hadlayo marxalada kala guurka ah iyo weliba horumarka Soomaaliya.

Shirkan oo uu marti gelintiisa lahaa ra,isal wasaaraha Turkiga Rajib dayib Ordogan ayaa waxaa ay qaban qabadiisa socoto mudo dheer isagoo isugu yeeray dhinacyda Soomaalida oo dhan.

Wararka aan ka helayno madasha uu shirku ka furmaya ayaa qeexaya in ay goobta joogaan madaxda Maamulada Puntland, Galmudug iyo Soomaaliland sidoo kale waxaa kulanka goob joog ka ah Madaxda Dowlada dhexe ee Soomaaliya..

Ururo caalami ah iyo weliba Dowladu iyo hay,ado ayaa sidoo kale shirka goob joog ka ah waxaana shirka furi doona Xooghayaha guud ee Qaramada Midoobey Bank Moon iyadoo shirka qaybihii dambe lagaga hadli doono arimaha dhaqaalaha.

Magaalada Stanbuul ee wadanka Turkiga shalayto waxaa ku soo dhamaaday shirkii isimada Soomaalida iyo ururada bulshada kaasi oo lagaga soo saaray qodobo muhiim ah balse aan rasmi ahayn oo ay ka mid ahaayeen in dib loo dhigo Tastuurka cusub.