Lamu(SPR) Wasaarada gaashaandhiga ee wadanka Kenya ayaa shaaca ka qaadey qalab casri ah logu xirayo goobaha xuduudaha ah ee Kenya iyo Soomaaliya wadagaana kuwaasi oo aad loo adkeeyey.

Gaashaandhiga Kenya war ka soo baxey waxaa lagu sheegey in xuduudaha Kenya iyo Soomaaliya wadagaan lagu xirayo qalabkaasi casriga ah oo la shaqeeya Dayax gacmedka kaasi oo Kenya ka caawin doona qabashada xubnaha ka tirsan Al-shabaab ee soo geliya xuduudaha.

Kenya waxa ay sheegtey in ilgaar ah loo yeelan doono xubnaha ka tirsan Al-shabaab ee soo goynaya xuduuda ay wadaagaan labbada, xili ciidamo fara badan la geeyey xuduuda labbada dal ee Kenya iyo Soomaaliya.

Jaziirada Kiiwaayo ayaa lagu xiri doonaa qalabkaasi la shaqeeya dayax gacmeedka taasi oo dhanka xuduuda badda la wadaagta wadanka Soomaaliya waana mid lagu eego doono xuduudaha dalka oo dhan.

Julius Melly  oo taliyaha booliska Kenya ee Jaziirada Lamu waxaa uu sheegey in ay soo dhoweynayaan arintaasi oo caawin wanaagsan iyaga siin doonta sida uu u sheegey warbaahinta dalka Kenya, Arintaan ayaa la filayaa in ay wax weyn ka bedesho xaalada taagan.