Dhadhaab (SPR) Xeryaha qaxootiga aduunka ugu waa weyn ee Dhadhaab oo deris la noqdey falal Amni daro qaraxyo iyo weliba afduubyo loo geysanayo shaqaalaha hay,adaha caalamiga ah ee halkaasi ka howlgala ayaa haatan waxaaka bilaabatey olole Amniga lagu adkeynayo.

Ciidamada booliska ee dalka Kenya ayaa si rasmi ah u bilaabey dadaal dheer iyo weliba qorshe ka dhan ah kooxaha falalka Amni darada ah ka geysta deegaankaasi, iyadoo ay jiraan dad kala duwan oo gacanta lagu soo dhigey.

Macalin Maxamed oo ah Gudoomiyaha gobolka woqooyi Bari Kenya ayaa waxaa uu si rasmi ah shaaca uga qaadey in howgal socdey labba maalmood lagu soo qabtey 4-ruux iyo weliba qoryaha la yiraahdo AK 47, kuwaasi oo diyaarinayey falal ka dhan ah Amniga oo ay ku jiraan afduub.

Xabsiga Magaalada Gaarisa ayaa haatan la geeyey dadkaasi iyadoo lagu maxkamadeyn doono gudaha Magaalada Gaarisa sida ugu dhaqsiyaha badan waxaana arintaasi ay ku timid wada shaqeyn dhexmarey booliska iyo dadka rayidka ah ee xerada IFO ee ka tirsan Dhadhaab Kenya.

Saldhiga qaxootiga Dhadhaab ee gobolka waqooyi bari ee dalka Kenya waxaa ka dhacay qaraxyo iyo falal kale oo ka dhan ah amniga maalmihii la soo dhaafey taasi oo ay ugu dambsey weerar ka dhacey xerada IFO oo lala eegtey meel ay deeq ka bixineysey hay,ada Care International ee deeqaha qaxootiga siisa.