Muqdisho(SPR) Magaalada Muqdisho ee caasimada Soomaaliya warar kala duwan oo aan haatan ka helayno waxaa ay sheegayaan in uu qarax xoogan ka dhacey meel ku dhow halka uu ka socdo shirka Ansixinta Tastuurka Soomaaliya.

Meel kaabiga ku haysa xaruunta Gen, Kaahiye ee Magaalada Muqdisho ayaa waxaa ka dhacey qaraxaasi oo ahaa mid xoogan balse aan u dhicin sidii loogu talo galey sida aan ku helayno warar ka soo baxaya Magaalada caasimada ah ee Muqdisho.

Goobta qaraxu ka dhacey oo ahayd meel aysan dad badan joogin balse ku dhowayd halka shirku ka socdo ayaa la sheegayaa in aysan jirin cid ilaa hadda wax ku noqotey qaraxaasi, sida uu warbaahinta u sheegey maamulka degmada Xamar Jajab.

Maxameed Cali Axmed oo ah Gudoomiyaha degmada Xamar Jajab waxaa uu sheegey in aysan jirin cid ay ka war hayaan oo wax ku noqotey qaraxaasi basle waxaa uu shaaciyey baaritaano ay sameeyeen ciidamada Dowlada KMG ah ee Soomaaliya kuwaasi oo ilaalo gaar ah ka haya xaruunta shirku ka socdo.

Kooxda Al-shabaab ayaa dhowaan waxaa ay ku hanjabtey in ay talaabo ka qaadi doonto odoyaasha iyo Ergada fadhida xaruunta Jen, Kaahiyee Magaalada Muqdisho kuwaasi oo ansixinaya Tastuurka, basle waxaa jirta amaanka goobta oo aad loo adkeeyey iyadoo ay weli jiraan cabasho la qabo maadama goobta baarista koowaad ay ku dhowdahay xaruunta shirka.