Waxaa Saaka lagu dilay Gudaha Magaalada Muqdisho Sarkaal ka tirsanaa Wasaarada Warfaafinta Dowlada Soomaaliya,kaasi oo ay toogteen sida la sheegay kooxo ku hubaysan batoolada Xili uu ku sugnaa Deegaanka dharkinlay ee Gobolka Banadir.
Yuuusf Cali Cismaan ( Yuusuf Farey ) Allaha u naxariistee waxaa uu horay ugu shaqayn jiray Radio Muqdisho,Waxaana goob joogayaal la hadalay Warbaahinta ay sheegeen in Nin ku hubaysan Bastoolad uu Yuusuf ku toogtay goob garaash ah oo uu gaaari uga xaraysnaa Degmada Dharkinlay.
Ciidamo ka tirsan Dowlada ayaa gaaray goobta lagu dilay Yuusuf Farey,iyadoona ilaa iyo hada aanay jirin cid loo soo qabtay dilka sarkaalkani,marka laga reebo su aalo ay laamaha amaanka ay weydiinayaan dad ka agdhowaa goobta uu dilka ka dhacay.
Yuuusf Cali Cismaan Allaha u naxariistee Waxaa isla maanta lagu aasay magaalada Muqdisho,waxaana dilkiisu uu qayb ka noqonayaa dilal qorshaysan oo mudooyinkii aynu soo dhaafnay ka jiray Magaalada Muqdisho.
