Muqdisho ( SPR ): Kulan uu safiirka Turkiga u fadhiya Soomaaliya la qaatay Madaxweyne
Shariif  ayuu ugu hambal yeeyay guulaha ay dowlada Soomaaliya ay
gaartay,gaar ahaan ka gudbida mar xalada KMG iyo Ansixinta Dastuurka
Cusub.

Danjire Cemalettin Kani Torun ayaa gudoonsiiyay Madaxweyne Sheekh
Shariif dhambaal uu uga siday Raysal Wasaaraha Turkiga Rajab Tayib
Ordagan kaasi oo dowlada uu madaxweynaha ka yahay Shariif ku amaanay
talaabooyinka guulaha leh ee ay dowladiisu ku talaab satay.

Madaxweyne Shariif ayaa dhankiisa ka gudoomay Safiirka Turkiga ee
Soomaaliya Mr Cemalettin Kani Torun dhambaalka,iyadoona uu ku amaanay
dowlada Turkiga ee uu hogaaminayo Ordogan xiriirka walaal tinmo ee ay
Soomaaliya la leeyihiin iyo kaalintii lama ilaawaanka ahayd ee ay
Soomaaliya ugu soo gurmadeen.

“Shacabka iyo Dowlada Turkiga waxaa ay kaalin weyn ka qaateen u soo
gurmashada dadkii ku barakacay abaaraha,waxaa ay nagala qayb qaateen
dhismaha dalka,iyagoona sidoo kale deeqo wax barasho iyo adeegyo
caafimaadba siiyay shacabka Soomaaliyeeda,ma ilaawi doono” ayuu yiri
Madaxweyne Shariif .