Odoyaasha Dhaqanka ee soo xulaya Baarlamaanka cusub ee Dowlada Federalka ayaa dhaliilay howsha gudiga farsamada,waxaana ay ku eedeeyeen in  iyagu ay soo xulayaan cida ay rabaan,maadaama  xubno ay odoyaashu usoo gudbiyeen gudigaasi dib loogu celiyay,waxaana ay tilmaameen in aanay gudigu xaq ugu lahayn in odoyaasha ay ku diidaan cida ay baarlamanka usoo magacaabayaan mar hadii ay shuruudihii muhimka ahaa ay buuxiyeen.

Garaad Jaamac Garaad Cali oo ah gudoomiyaha gudiga xalinta khilaafka odoyaasha dhaqanka ayaa kulan ay isugu yimaadeen odoyaashu  waxaa uu ka sheegay in ay jirto soo citaan qaar kamid ah xubnihii ay odoyaashu soo magacaabeen la samaynayo,waxaana uu tilmaamay arintaasi in ay tahay mid aan la aqbali karin,aana lagu cadaadin karin odoyaasha cid aanay soo magacaabin.

Ugaas C/llaahi Foodcade oo isaguna ka hadlay kulanka ayaa sheegay in dad nadiif ah oo odoyaashu ay soo xuleen liiska laga reebay,ayna tahay wax ay fahmi waayeen sidaasi daraadeed aanay ka qaadanayn gudiga wax aan u cuntamin,gaar ahaana xubno ay odoyaashu soo magacaabeen buuxiyayna shuruudaha la reebo.

Arintan ayaa waxaa ay imaanaysaa xili muran xoogani uu ka taagan yahay soo magacaabitaanka Baarlamanka cusub,gaar ahaana uu jiro khilaaf madaxweynaha iyo gudiga farsamada u dhexeeya,kuna salaysan liis ay gudigaasi ka reebeen soo xulitaanka baarlamanka,kuwaas oo qaar kood ahaan jiray qab qablayaashii dagaalka.

Lama oga halka ay arintani kusoo afjarmayso waxaana warar hoose oo ay SPR ka heshay madaxtooyada ay sheegayaan in uu jiro kulamo gaar gaar ah oo laga leeyahay xildhibaanda cusub ee lasoo magacaabay iyo soo gudbinta liiska tirada xildhibaanada harsan.

This e-mail address is being protected from spambots. You need JavaScript enabled to view it