Meles Zenawi Waxaa uu ku dhashay Deegaanka Adwa ee gobolka Tigrey,kuna yaala Waqooyiga Dalka Ethopia sanadii 1955 8-dii May,Deegaankaasi waxaa kasoo jeeda Aabihii,halka hooyadii ay kasoo jeedo Adi Quala oo ka tirsan Ereteria.

Waxbarashadiisii Iskuulka Sare waxaa Zanawi ku dhamaystay Iskuulka General Wingate high school oo ku yaala Addis Ababa,Waxaana uu qaybta caafimaadka ka galay Jaamacada Addis Ababa Univerity oo wakhtigaasi loo yaqaanay Haile Selassie University,isagoona mudo Labo sana ah waday kahor inta aanu ku biirin Jabhadii Tigrayan Peoples Liberaion Font (TPLF) Sanadii 1975.

Zanawi waxaa loo doortay hogaanka Jabhada TPLF dhanka Xiriirka Bulshada 1979, Waxaana uu noqday Hogaanka Fulinta ee Isla Ururka Sanadii 1983,Iyadoona Bilowgii Sagaashanaadka uu noqday Hogaanka Sadex Urur oo dagaal kula jiray Dowladii uu hogaaminayay Mengistu Hailamarriam.

Bilowgii 1991 Dalka Ethopia Waxaa ka dilaacay Dagaal Sokeeya,iyadoona Jabhadii uu hogaaminayay Zanawi ay dalka gacanta ku dhigtay,iyadoona DKMG ay yeeatay Ethopia,waxaana mudadaasi socday,gooni u goosadkii Ereteria iyo dagaalo Labad dal kadib dhex maray.

Milez Zanawi Waxaa uu wax barasho Jaamacadeed oo Mazter ah ka kala qaatay Kuliyadaha Maamulka Dhaqaale iyo Sayniska Jaamacado ku yaala Ingisriiska iyo Holan.

Zanawi waxaa  uu guursaday Azep Mesvin oo u dhashay Sadex Caruur ah,Waxaana uu geeriyooday Isagoo 57 Jir ah,kadib xanuun la sheegay in uu ahaa dhiig furan,Waxaana uu ku geeriyooda Magaalada Brussules ee xarunta dalka Biljim.

Taariikhdan Waa Taariikh Kooban oo uu diyaariyay Xuseen Xasan Xuseen (Xuska)